E presentashon Bon Dia, Goeiemorgen

Izaline Calister, Reina di Tumba i Thijs Borsten, Rei di kantikanan di mucha tin un plan pa e temporada akí i tur mucha tin mag di sa!

Kiko bo ta hasi ora bo no por drumi? Izaline no por a pega soño. E momentu entre dia i anochi ta un momentu ku peluchenan ta haña bida, un wega di fantasia ta hibabo na un fiesta grandi di bailamentu i te asta tin wega di futbòl! Izaline ta eksperiensiá tur tipo di aventura den kua e kantikanan di mas alegre ta aparesé. Ta un soño òf esaki ta realidat?

Bon Dia, Goeiemorgen ta un obra teatral musikal (4+) rondó di un kolekshon variá di kantikanan di mucha di Kòrsou, Aruba i Boneiru. Izaline Calister ta kanta e kantikanan tantu na papiamentu komo na hulandes, akompañá pa Thijs Borsten (konosí pa su seri di CD eksitoso Trapperdetrap i Liedjesatlas) i perkushonista Danny Rombout. Kiki Jaski ta sòru pa e guion i direkshon.

Bon Dia, Goeiemorgen ta e programa di teater musikal mas nobo di e produktor di obra teatral, músiko i areglista Thijs Borsten i kantaoutor i produktor di obra di teater Izaline Calister. E forsa di nan kooperashon ta humor i musikalidat, di kua e kantikanan impreshonante di mucha di ántes aki, ku pa adulto tambe ta agradabel, ta haña un bida nobo na un manera dibertido. Thijs i Izaline anteriormente a produsí: Het Eiland van mijn Vader (2019), enkargá pa Concertgebouw Liedjes zonder Grenzen (4+) huntu ku produktor Kiki Jaski.

Izaline Calister - kanto
Danny Rombout - perkushon
Thijs Borsten - piano, kitara
Victor Modderkolk - asesorio/utileria
Kiki Jaski - direkshon
Rijk Jacobs - tékniko
Vanaf 2 - reservashon